نجف اور ایرانی ہوائی اڈوں کے درمیان پروازیں دوبارہ بحال

عراقی ایئر لائنز نے نجف اور ایران کے مختلف ہوائی اڈوں کے درمیان پروازیں دوبارہ شروع کردی ہیں۔ عراقی سرکاری میڈیا کے مطابق پروازوں کی بحالی پیر کے روز ہوئی۔

واضح رہے کہ امریکی پابندیوں کے بعد عراق نے 25 ستمبر سے ایران کے لیے پروازیں عارضی طور پر معطل کردی تھیں۔ پابندیوں کے باعث ایران سے متعلق پروازوں کو خدمات فراہم کرنے والی کمپنیوں نے بھی امریکی ثانوی پابندیوں کے خدشے کے پیشِ نظر سروسز روک دی تھیں۔

ایرانی حکام نے امریکی پابندیوں پر احتجاج کرتے ہوئے کہا ہے کہ فضائی رابطوں کی بحالی کے لیے سفارتی سطح پر کوششیں جاری ہیں۔