وزیراعظم شہباز شریف کا اپوزیشن لیڈر محمود اچکزئی کو ایک اور خط، مذاکرات کی دعوت

وزیر اعظم شہباز شریف نے اپوزیشن لیڈر محمود خان اچکزئی کو ایک اور خط لکھ کر ملاقات اور مذاکرات کی دعوت دے دی۔

ذرائع کے مطابق خط میں چیف الیکشن کمشنر اور الیکشن کمیشن کے نئے ارکان کی تعیناتیوں سمیت دیگر امور پر مشاورت کی بات کی گئی ہے۔

اپوزیشن ترجمان اخوانزادہ حسین یوسف زئی نے وزیراعظم کی جانب سے خط موصول ہونے کی تصدیق کردی۔

اس سے قبل بھی وزیراعظم شہباز شریف اور اپوزیشن لیڈر محمود خان اچکزئی کے درمیان چیف الیکشن کمشنر اور الیکشن کمیشن کے نئے ارکان کی تقرری کے معاملے پر خط و کتابت ہوئی تھی۔

ذرائع کے مطابق وزیراعظم نے محمود خان اچکزئی کے خط کا جواب بھی بھجوایا تھا۔