سعودی عرب میں تین میزائل اور دو ڈرونز تباہ کرنے کا دعویٰ

سعودی اتحاد نے دعویٰ کیا ہے کہ دارالحکومت ریاض اور ملک کے جنوبی علاقے میں تین میزائلوں کو فضا میں ہی روک کر تباہ کردیا گیا۔

سعودی اتحادی فوج کے مطابق ریاض اور جنوبی علاقے میں دو ڈرونز بھی روک کر تباہ کیے گئے۔

بیان میں کہا گیا ہے کہ ریاض صوبے کے وادی الدواسر اور السلیل گورنریٹس میں خطرہ ٹل گیا ہے۔

اس سے قبل سعودی اتحادی فوج نے دعویٰ کیا تھا کہ حوثی ملیشیا کی جانب سے سعودی شہر ظہران پر میزائل حملے کی کوشش ناکام بنادی گئی۔

دوسری جانب حکام کے مطابق یمن کے شہر تعز میں یمنی فوج نے حوثی اکثریتی تنظیم انصار اللہ کے اہداف پر 9 حملے کیے۔