خیبر پختونخوا میں جعلی رجسٹریشن اور غیرقانونی تقرریوں پر 30 ڈاکٹر برطرف

محکمہ صحت خیبر پختونخوا نے جعلی پی ایم ڈی سی رجسٹریشن اور غیرقانونی تقرریوں کے الزامات پر 30 ڈاکٹروں کو ملازمت سے فارغ کردیا۔

صوبائی محکمہ صحت کے اعلامیے کے مطابق ڈاکٹروں کی وضاحتوں، پیش کردہ شواہد اور انکوائری رپورٹس کا جائزہ لینے کے بعد برطرفی کا فیصلہ کیا گیا۔

اعلامیے میں کہا گیا ہے کہ تمام ڈاکٹروں کو شوکاز نوٹس جاری کیے گئے اور سماعت کا موقع فراہم کرنے کے بعد کارروائی عمل میں لائی گئی۔

محکمہ صحت کے مطابق برطرف کیے گئے ڈاکٹروں سے سرکاری واجبات کی وصولی بھی کی جائے گی۔ یہ ڈاکٹر خیبر پختونخوا کے مختلف طبی مراکز میں تعینات تھے۔