اقوام متحدہ کی سلامتی کونسل کی سعودی عرب پر حوثی حملوں کی شدید مذمت
اقوام متحدہ کی سلامتی کونسل نے سعودی عرب پر حوثیوں کے بڑھتے ہوئے حملوں کی شدید مذمت کرتے ہوئے شہریوں اور توانائی کے بنیادی ڈھانچے کو نشانہ بنانے پر تشویش کا اظہار کیا ہے۔
سلامتی کونسل کے صدر اور اقوام متحدہ میں فرانس کے سفیر جیروم بونافون نے مشترکہ بیان میں کہا کہ کونسل کے ارکان سعودی عرب پر حوثیوں کے مسلسل حملوں کی سخت ترین الفاظ میں مذمت کرتے ہیں، جن میں شہریوں، خواتین اور بچوں کے زخمی ہونے کے واقعات بھی شامل ہیں۔ فرانس ستمبر 2026 میں سلامتی کونسل کی صدارت کر رہا ہے۔
رپورٹس کے مطابق حوثیوں نے سعودی عرب کے خلاف میزائل اور ڈرون حملے تیز کردیئے ہیں۔ سعودی حکام کا کہنا ہے کہ 24 ستمبر کو 6 بیلسٹک میزائلوں کو روکا گیا، جبکہ حوثیوں نے سعودی اہداف پر متعدد میزائل اور ڈرون داغنے کا دعویٰ کیا۔
دوسری جانب ایران کے صدر مسعود پزشکیان نے حوثیوں کے حوالے سے کہا ہے کہ وہ اپنے فیصلوں کے خود ذمہ دار ہیں اور تہران سے انہیں ہدایات نہیں ملتیں۔
حوثیوں کے حملوں کے باعث سعودی توانائی تنصیبات اور بحیرۂ احمر میں تجارتی جہاز رانی کو بھی خطرات لاحق ہیں۔ اقوام متحدہ میں ہونے والی بحث کے دوران مختلف ممالک نے شہریوں، توانائی کے بنیادی ڈھانچے اور بین الاقوامی جہاز رانی کو نشانہ بنانے کی مخالفت کی اور کشیدگی کم کرنے پر زور دیا۔
