حاقان فیدان نے نئے دفاعی اتحاد پر تنقید کا جواب دے دیا

ترک وزیر خارجہ حاقان فیدان نے مکہ دفاعی معاہدے پر تنقید کرنے والوں کو جواب دیتے ہوئے کہا ہے کہ نئے اتحاد کو یمن کے ایک دہائی پرانے بحران کی بنیاد پر ناکام قرار دینا مناسب نہیں۔

نیویارک میں تقریب کے دوران سابق امریکی سفیر جیمز جیفری سے مخاطب ہو کر فیدان نے پوچھا کہ ان کے تقریباً 50 سالہ فوجی کیریئر میں نیٹو کے آرٹیکل 5 کا کتنی بار اطلاق ہوا؟ جواب میں کہا گیا کہ صرف ایک بار۔ فیدان نے کہا کہ نیٹو کو ’’کاغذی شیر‘‘ نہیں کہا جاتا، تو نئے دفاعی اتحاد کے بارے میں ایسا معیار کیوں اپنایا جا رہا ہے۔

فیدان نے کہا کہ مکہ دفاعی معاہدہ ابھی نیا قائم ہوا ہے اور اس کے عملی و ادارہ جاتی ڈھانچے پر کام جاری ہے، اس لیے اسے یمن بحران کے تناظر میں فوری طور پر پرکھنا مناسب نہیں۔