latest news
شمالی کوریا کے 10 بیلسٹک میزائل داغنے کا دعویٰ
میزائل سمندر میں گرے، جاپان کے خصوصی اقتصادی زون سے باہر گرنے کی اطلاعات

شمالی کوریا نے مشرقی ساحل کے قریب 10 بیلسٹک میزائل داغے ہیں، جبکہ جاپانی کوسٹ گارڈ نے بھی ممکنہ میزائل تجربے کی اطلاع دی ہے۔
جاپانی کوسٹ گارڈ کے مطابق داغا گیا پروجیکٹائل ممکنہ طور پر بیلسٹک میزائل تھا، جو سمندر میں گر چکا ہے۔ جاپانی میڈیا نے بتایا کہ میزائل جاپان کے خصوصی اقتصادی زون سے باہر گرتا دکھائی دیا۔
دوسری جانب جنوبی کوریا کے جوائنٹ چیفس آف اسٹاف نے کہا ہے کہ شمالی کوریا نے اپنے مشرقی ساحل کے قریب 10 بیلسٹک میزائل داغے ہیں۔
جنوبی کوریا کی فوج کے مطابق ممکنہ مزید میزائل تجربات کی نگرانی کی جا رہی ہے، جبکہ صورت حال سے متعلق امریکا اور جاپان کے ساتھ معلومات کا تبادلہ بھی جاری ہے۔



