پیٹرول 2 روپے 71 پیسے سستا، ڈیزل کی قیمت میں 31 پیسے اضافہ

اسلام آباد: حکومت نے پیٹرول کی قیمت میں کمی جبکہ ڈیزل کی قیمت میں اضافے کا اعلان کردیا۔

پیٹرولیم ڈویژن کی جانب سے جاری نوٹیفکیشن کے مطابق پیٹرول کی قیمت میں 2 روپے 71 پیسے فی لیٹر کمی کی گئی ہے، جس کے بعد پیٹرول کی نئی قیمت 379 روپے 31 پیسے فی لیٹر ہوگئی ہے۔

نوٹیفکیشن کے مطابق ڈیزل کی قیمت میں 31 پیسے فی لیٹر اضافہ کیا گیا ہے، جس کے بعد ڈیزل کی نئی قیمت 390 روپے 11 پیسے فی لیٹر مقرر ہوگئی ہے۔

اعلامیے کے مطابق پیٹرول اور ڈیزل کی یہ قیمتیں 22 اکتوبر کے لیے نافذ العمل ہوں گی۔