اقوام متحدہ میں نیتن یاہو کی تقریر شروع ہوتے ہی درجنوں مندوبین کا واک آؤٹ

اقوام متحدہ کی جنرل اسمبلی میں اسرائیلی وزیراعظم بنیامین نیتن یاہو کی تقریر شروع ہوتے ہی درجنوں ممالک کے مندوبین احتجاجاً ہال سے باہر نکل گئے۔

مندوبین کے واک آؤٹ پر نیتن یاہو نے سخت ردعمل دیتے ہوئے انہیں ’اخلاقی طور پر بزدل‘ قرار دیا۔

اسرائیلی وزیراعظم نے تقریر کے آغاز سے قبل ہال میں موجود دیگر افراد کو بھی مخاطب کرتے ہوئے کہا کہ اگر وہ بھی ایسا ہی محسوس کرتے ہیں تو ان کے خطاب سے پہلے ہال سے باہر جا سکتے ہیں۔