لارڈز ٹیسٹ: بارش سے متاثرہ پہلے روز انگلینڈ کے 9 وکٹ پر 248 رنز
لندن: لارڈز ٹیسٹ کے پہلے روز خراب موسم اور بارش کے باعث صرف 56 اوورز کا کھیل ہوسکا، تاہم پاکستان کے خلاف انگلینڈ نے دن کے اختتام تک 9 وکٹوں کے نقصان پر 248 رنز بنالیے۔
خراب موسم کے باعث میچ تاخیر سے شروع ہوا۔ پاکستان نے ٹاس جیت کر پہلے فیلڈنگ کا فیصلہ کیا۔ انگلینڈ کی ابتدائی بیٹنگ لائن پاکستانی بولرز کے سامنے مشکلات کا شکار رہی اور محمد عباس نے صرف 36 کے مجموعی اسکور پر بین ڈکیٹ، ایمیلو گے اور جو روٹ کو پویلین واپس بھیج دیا۔
ہیری بروک 15 رنز بناکر محمد علی کی گیند پر بولڈ ہوئے، جس کے بعد جارڈن کاکس اور ڈین لارنس نے اسکور 120 رنز تک پہنچایا۔ ڈین لارنس 17 رنز بناکر رن آؤٹ ہوگئے۔
جارڈن کاکس اور جیمی اسمتھ نے ذمہ دارانہ بیٹنگ کرتے ہوئے 67 رنز کی شراکت قائم کی۔ کاکس 55 رنز بناکر سلمان علی آغا کے ہاتھوں سلپ میں شاندار کیچ آؤٹ ہوئے، جبکہ جیمی اسمتھ نے 61 رنز کی اننگز کھیلی۔
کھیل خراب روشنی کے باعث ختم کیے جانے کے وقت انگلینڈ نے 9 وکٹوں کے نقصان پر 248 رنز بنائے تھے۔ گس ایٹکنسن 34 اور جوش ٹنگ ایک رن کے ساتھ کریز پر موجود تھے۔
پاکستان کی جانب سے محمد عباس نے شاندار بولنگ کرتے ہوئے 4 وکٹیں حاصل کیں، محمد علی نے 3 جبکہ خرم شہزاد نے ایک کھلاڑی کو آؤٹ کیا۔
وقفے وقفے سے ہونے والی بارش اور بعد ازاں خراب روشنی کے باعث پہلے روز کا کھیل بری طرح متاثر ہوا اور مجموعی طور پر صرف 56 اوورز ہی کرائے جا سکے۔
