ریاض کے کنگ خالد انٹرنیشنل ایئرپورٹ پر حملہ، متعدد افراد زخمی، آپریشنز معطل

ریاض: سعودی عرب نے ریاض کے کنگ خالد انٹرنیشنل ایئرپورٹ پر حملے اور اس کے نتیجے میں متعدد افراد کے زخمی ہونے کی تصدیق کردی ہے۔

سعودی عرب کی جنرل اتھارٹی آف سول ایوی ایشن کے مطابق ہفتہ، 10 اکتوبر 2026 کو ایئرپورٹ کو حملے کا نشانہ بنایا گیا، جس کے نتیجے میں متعدد افراد زخمی ہوئے۔

اتھارٹی کے مطابق واقعے کے بعد ایئرپورٹ کی آپریشنل سرگرمیاں عارضی طور پر معطل کردی گئی ہیں تاکہ تنصیبات کو پہنچنے والے نقصان کا جائزہ لیا جا سکے اور حفاظتی انتظامات یقینی بنائے جا سکیں۔

سعودی سول ایوی ایشن اتھارٹی کے ترجمان نے بتایا کہ ملک میں سول ایوی ایشن کی تنصیبات کو نشانہ بنایا جا رہا ہے۔

حکام کے مطابق ایئرپورٹ پر آپریشنز کی بحالی کا فیصلہ نقصان کے تخمینے اور حفاظتی معائنے کی تکمیل کے بعد کیا جائے گا۔

تاحال حملے کی نوعیت، ذمہ دار عناصر اور زخمیوں کی تعداد سے متعلق مزید تفصیلات سامنے نہیں آئی ہیں۔