سری لنکن کرکٹ ٹیم کا پہلا دستہ اسلام آباد پہنچ گیا

دورہ پاکستان کے لیے سری لنکا کرکٹ ٹیم کا 13 رکنی پہلا دستہ اسلام آباد پہنچ گیا، جہاں ایئرپورٹ پر ٹیم کا پرتپاک استقبال کیا گیا۔

دستے میں ٹی ٹوئنٹی اسکواڈ کے 8 کھلاڑی اور ٹیم مینجمنٹ کے 5 آفیشلز شامل ہیں، جبکہ اسکواڈ کے باقی 5 کھلاڑی منگل کو اسلام آباد پہنچیں گے۔

پاکستان اور سری لنکا کے درمیان تین ٹی ٹوئنٹی میچز پر مشتمل سیریز کا پہلا میچ 9 اکتوبر کو راولپنڈی کرکٹ اسٹیڈیم میں کھیلا جائے گا۔

سیریز کے دوسرے اور تیسرے میچز 11 اور 13 اکتوبر کو بھی راولپنڈی میں ہی ہوں گے۔