ایران جنگ میں امریکی فوجیوں کی ہلاکتیں پینٹاگون کے اعدادوشمار سے زیادہ ہونے کا دعویٰ

واشنگٹن: امریکی اخبار واشنگٹن پوسٹ نے دعویٰ کیا ہے کہ ایران کے ساتھ جنگ کے دوران امریکی فوجیوں کی ہلاکتوں کی تعداد پینٹاگون کی جانب سے عوامی سطح پر جاری کیے گئے اعدادوشمار سے زیادہ ہے۔

اخبار کی جمعے کو شائع ہونے والی رپورٹ کے مطابق امریکی محکمہ دفاع کے اندرونی جانی نقصان کے اعدادوشمار سے واقف 6 امریکی حکام نے بتایا کہ جنگ کے دوران اب تک کم از کم 22 امریکی فوجی ہلاک ہوچکے ہیں۔

رپورٹ میں کہا گیا ہے کہ یہ تعداد پینٹاگون کے عوامی ڈیٹا بیس میں درج ہلاکتوں سے 4 زیادہ ہے۔

واشنگٹن پوسٹ کے مطابق اعدادوشمار سے واقف 6 میں سے 5 حکام نے تصدیق کی کہ امریکی فوجیوں کی ہلاکتوں کی اصل تعداد کم از کم 22 ہے۔