قطر کا آبنائے باب المندب کی بندش کے سنگین نتائج سے خبردار کرنے کا انتباہ

قطری وزارت خارجہ کے عہدیدار ابراہیم الہاشمی نے آبنائے باب المندب کی ممکنہ بندش کے سنگین نتائج سے خبردار کرتے ہوئے کہا ہے کہ دنیا پہلے ہی آبنائے ہرمز کی بندش کے باعث مشکلات کا سامنا کر رہی ہے۔

انہوں نے کہا کہ قطر نہیں چاہتا کہ باب المندب کی بندش سے عالمی مشکلات میں مزید اضافہ ہو۔ ابراہیم الہاشمی کے مطابق مزید بحران سے بچنے کے لیے قطر سفارت کاری اور مکالمے کے ذریعے مسائل کے حل پر زور دے رہا ہے۔

دوسری جانب عالمی منڈی میں خام تیل کی قیمتوں میں بھی مزید اضافہ ہوا ہے۔ مربان خام تیل 118 ڈالر، برینٹ 108 ڈالر جبکہ ڈبلیو ٹی آئی 104 ڈالر فی بیرل تک پہنچ گیا۔