گوگل کروم میں پی ڈی ایف ترجمہ کرنے کا نیا فیچر متعارف کرانے کی تیاری

گوگل کروم میں پی ڈی ایف فائلز کا ترجمہ کرنے والے نئے فیچر کی آزمائش شروع کردی گئی ہے۔

رپورٹ کے مطابق یہ فیچر فی الحال کروم کے Canary ورژن میں نظر آیا ہے، جبکہ اس میں تمام ڈیسک ٹاپ آپریٹنگ سسٹمز کا حوالہ موجود ہے۔

نئے فیچر کے ذریعے صارفین پی ڈی ایف فائل کو دوسری زبان میں ترجمہ کرسکیں گے۔ پی ڈی ایف کے ریڈنگ موڈ میں ترجمے کے لیے ایک نیا Translate بٹن بھی دکھائی دے گا۔

تاہم فی الحال یہ فیچر فعال نہیں، اس لیے یہ واضح نہیں کہ اسے عام صارفین کے لیے کب متعارف کرایا جائے گا۔ گوگل کی جانب سے بھی فیچر کے حوالے سے مزید تفصیلات سامنے نہیں آئی ہیں۔