پشاور میں مبینہ اجتماعی زیادتی کے 4 ملزمان نامعلوم افراد کی فائرنگ سے ہلاک

پشاور: مبینہ اجتماعی زیادتی کے مقدمے میں زیرحراست 4 ملزمان نامعلوم افراد کی فائرنگ سے ہلاک ہوگئے۔

پولیس کے مطابق ملزمان کو نشاندہی کے لیے لے جایا جارہا تھا کہ راستے میں نامعلوم افراد نے فائرنگ کردی، جس کے نتیجے میں چاروں ملزمان ہلاک ہوگئے۔

پولیس کا کہنا ہے کہ ہلاک ملزمان نے گڑھی موسم خان میں خواتین سے مبینہ اجتماعی زیادتی کی تھی۔

پولیس کے مطابق اجتماعی زیادتی کا مقدمہ تھانہ رحمان بابا میں 6 ستمبر کو درج کیا گیا تھا۔ واقعے کی مزید تحقیقات جاری ہیں۔