پنجاب میں جنوری سے تحصیل سطح پر الیکٹروبس سروس شروع کرنے کا فیصلہ

لاہور(عمران اسلم) پنجاب حکومت نے صوبے بھر میں تحصیل کی سطح پر الیکٹروبس سروس شروع کرنے کا فیصلہ کیا ہے، جس کے تحت مختلف ڈویژنز کی متعدد تحصیلوں میں جنوری سے الیکٹروبسیں چلائی جائیں گی۔

منصوبے کے تحت ملتان ڈویژن کی 9، ساہیوال ڈویژن کی 4 اور بہاولپور ڈویژن کی 11 تحصیلوں میں جنوری سے الیکٹروبس سروس کا آغاز ہوگا۔

اسی طرح ڈیرہ غازی خان ڈویژن کی 10، فیصل آباد ڈویژن کی 12 اور سرگودھا ڈویژن کی 14 تحصیلوں میں بھی جنوری سے الیکٹروبسیں چلائی جائیں گی۔

گوجرانوالہ ڈویژن کی 7، گجرات ڈویژن کی 8 اور راولپنڈی ڈویژن کی 16 تحصیلیں بھی اس منصوبے میں شامل ہیں، جہاں جنوری سے الیکٹروبس سروس فراہم کی جائے گی۔

اس اقدام کا مقصد صوبے کے شہریوں کو جدید، ماحول دوست اور بہتر سفری سہولیات فراہم کرنا اور پبلک ٹرانسپورٹ کے نظام کو تحصیل کی سطح تک وسعت دینا ہے۔