محمد رضوان کے بعد امام الحق کو بھی فرسٹ کلاس کرکٹ کھیلنے کی اجازت مل گئی

لاہور: قومی کرکٹ ٹیم کے اوپننگ بیٹر امام الحق کو بھی محمد رضوان کے بعد فرسٹ کلاس کرکٹ کھیلنے کی اجازت مل گئی ہے۔

ذرائع کے مطابق امام الحق پریذیڈنٹ ٹرافی گریڈ ون میں او جی ڈی سی ایل کی نمائندگی کریں گے اور ٹورنامنٹ کے آخری راؤنڈ میں ٹیم کو دستیاب ہوں گے۔

ذرائع کا کہنا ہے کہ او جی ڈی سی ایل نے امام الحق کی دستیابی کی تصدیق کردی ہے، جبکہ پاکستان کرکٹ بورڈ (پی سی بی) نے بھی ٹیم کو ان کی شرکت کی اجازت سے آگاہ کردیا ہے۔

اس سے قبل قومی ٹیم کے سابق ٹیسٹ کپتان اور وکٹ کیپر بیٹر محمد رضوان کو بھی ڈومیسٹک فرسٹ کلاس کرکٹ کھیلنے کی اجازت مل چکی ہے۔ رضوان 19 اکتوبر سے خان ریسرچ لیبارٹریز (کے آر ایل) کے خلاف میچ میں سوئی ناردرن گیس کی قیادت کریں گے۔

واضح رہے کہ امام الحق اور محمد رضوان ان سات کھلاڑیوں میں شامل تھے جنہیں اگست 2026 میں لارڈز کرکٹ گراؤنڈ میں انگلینڈ کے خلاف دوسرے ٹیسٹ میں پاکستان کی 194 رنز سے شکست کے بعد پی سی بی نے ہنگامی بنیادوں پر وطن واپس بلا لیا تھا۔