برطانیہ کی شہریوں کو جدہ اور دمام کے غیرضروری سفر سے گریز کی ہدایت

برطانیہ نے اپنے شہریوں کو سعودی عرب کے شہروں جدہ اور دمام کے غیرضروری سفر سے گریز کرنے کی ہدایت کردی ہے، جبکہ مدینہ ایئرپورٹ کے علاوہ سعودی عرب کے دیگر ہوائی اڈوں کے سفر سے متعلق بھی انتباہ جاری کیا گیا ہے۔

برطانوی سفارت خانے کی جانب سے یہ ہدایات سعودی عرب میں حالیہ حملوں کے بعد جاری کی گئی ہیں۔

واضح رہے کہ فراہم کردہ اطلاعات کے مطابق سعودی دارالحکومت ریاض میں ہفتے کے روز ہونے والے حملے میں 12 افراد جاں بحق اور 309 زخمی ہوئے تھے۔

حکام کے مطابق جاں بحق ہونے والوں میں امریکا، سعودی عرب، بنگلادیش، اردن، شام، سوڈان، فلسطین اور مصر کے شہری شامل ہیں۔

رپورٹ کے مطابق ریاض کے کنگ خالد انٹرنیشنل ایئرپورٹ پر حملے کے بعد اتوار کی شام دمام کے کنگ فہد انٹرنیشنل ایئرپورٹ کو بھی نشانہ بنایا گیا تھا۔