ایران کا امریکی جنگ بندی تجاویز پر چند روز میں جواب دینے کا عندیہ

ایرانی وزیر خارجہ عباس عراقچی نے کہا ہے کہ ایران امریکا کی جانب سے جنگ بندی سے متعلق تجاویز کا جائزہ لے رہا ہے اور آئندہ چند روز میں اپنا جواب دے گا۔

ایرانی میڈیا سے گفتگو میں عباس عراقچی نے بتایا کہ امریکا کے ساتھ جنگ کے خاتمے کے لیے مذاکراتی عمل جاری ہے اور دونوں جانب ثالثوں کے ذریعے پیغامات کا تبادلہ بھی ہو رہا ہے۔

دوسری جانب امریکی صدر ڈونلڈ ٹرمپ نے کہا ہے کہ امریکا 3 نومبر کے وسط مدتی انتخابات سے قبل ایران پر حملہ نہیں کرے گا، تاہم ایران کے خلاف بحری ناکہ بندی برقرار رہے گی۔

ٹرمپ کے مطابق گزشتہ رات آبنائے ہرمز سے 2 کروڑ 20 لاکھ بیرل تیل گزرا۔ انہوں نے دعویٰ کیا کہ یہ ریکارڈ مقدار ہے اور اس تیل میں ایک بیرل بھی ایران جانے یا ایران سے آنے والا شامل نہیں تھا۔

امریکا اور ایران کے درمیان جنگ بندی اور آبنائے ہرمز کی صورتحال پر بالواسطہ مذاکرات جاری ہیں، جبکہ دونوں ممالک کے درمیان اہم معاملات پر اختلافات بدستور موجود ہیں۔