ایران اور امریکا کے درمیان قطر کی ثالثی میں مذاکرات جاری

قطری وزارت خارجہ کے مطابق ایران اور امریکا کے درمیان قطر کی ثالثی میں مذاکرات اور پیغامات کا تبادلہ جاری ہے۔

قطری وزارت خارجہ کے شعبہ اطلاعات کے ڈائریکٹر ابراہیم بن سلطان الہاشمی نے کہا ہے کہ مذاکرات کا مقصد ایک قابلِ عمل حل تک پہنچنا ہے، جس کے لیے تمام فریقین کے تحفظات اور خدشات کو مدنظر رکھنا ضروری ہے۔

انہوں نے مکہ دفاعی معاہدے کے حوالے سے کہا کہ مکہ اتحاد خطے کے ممالک کے وسائل کے تحفظ اور استحکام کو برقرار رکھنے کے لیے علاقائی تعاون کو مزید مضبوط بناتا ہے۔

دوسری جانب ایرانی وزیر داخلہ اسکندر مومنی نے دوحہ میں امیر قطر شیخ تمیم بن حمد الثانی سے ملاقات کی، جس میں انہوں نے ایرانی صدر مسعود پزشکیان کا پیغام قطری امیر تک پہنچایا۔