پاکستان نیوی کی بحیرہ عرب میں منشیات کے خلاف 2 کامیاب کارروائیاں

راولپنڈی: پاکستان نیوی کے جہاز یرموک نے بحیرہ عرب میں پاکستانی ساحل سے دور انسدادِ منشیات کی 2 کامیاب کارروائیاں کیں۔

پاک فوج کے شعبہ تعلقات عامہ (آئی ایس پی آر) کے مطابق کارروائیوں کے دوران 2 کشتیوں کو روک کر تلاشی لی گئی، جن کے خفیہ خانوں سے تقریباً 850 کلو آئس اور 2 ہزار کلو چرس برآمد ہوئی۔

آئی ایس پی آر کے مطابق قبضے میں لی گئی منشیات کی مجموعی مالیت تقریباً 9 کروڑ 60 لاکھ ڈالر ہے۔

برآمد شدہ منشیات کو مزید تلفی اور قانونی کارروائی کے لیے متعلقہ حکام کے حوالے کردیا جائے گا۔