گوگل کی الفابیٹ نے نیا اے آئی ماڈل متعارف کرا دیا، سائبر سکیورٹی اور کوڈنگ پر خصوصی توجہ
ٹیکنالوجی ڈیسک: گوگل کی سرپرست کمپنی الفابیٹ نے نیا مصنوعی ذہانت (اے آئی) ماڈل جیمنائی 4 آرگون متعارف کرانے کا اعلان کیا ہے، جس کے بارے میں بتایا گیا ہے کہ یہ کوڈنگ، تحقیق، تحریر اور دیگر پیچیدہ کام انجام دینے کی صلاحیت رکھتا ہے۔
کمپنی کے مطابق اس ماڈل کی نمایاں خصوصیت سائبر سکیورٹی ہے۔ اسے دفاعی سائبر سکیورٹی کے کاموں کے لیے تربیت دی گئی ہے تاکہ یہ سافٹ ویئر کی کمزوریوں کی نشاندہی اور ان کی اصلاح میں مدد دے سکے۔
گوگل کے مطابق، آرگون پیچیدہ اور طویل دورانیے کے کام انجام دینے کی صلاحیت رکھتا ہے۔ کمپنی کے اندر اس ماڈل کو ڈیبگنگ، سافٹ ویئر انجینئرنگ اور بڑے کوڈ بیسز کی منتقلی جیسے کاموں کے لیے بھی استعمال کیا جا رہا ہے۔
فی الحال یہ ماڈل گوگل کے فیئرونڈ (Fairwind) پروگرام کے تحت منتخب سائبر سکیورٹی ماہرین اور قابلِ اعتماد شراکت داروں کو فراہم کیا جا رہا ہے۔ کمپنی کا کہنا ہے کہ عام صارفین اور دیگر اداروں تک رسائی مرحلہ وار بڑھائی جائے گی۔
گوگل کے مطابق جیمنائی 4 آرگون کی تیاری کا مقصد پیچیدہ پیشہ ورانہ کاموں میں اے آئی کی صلاحیتوں کو بہتر بنانا اور سائبر حملوں کے مقابلے کے لیے دفاعی نظام مضبوط کرنا ہے۔
