برانڈ لوگو والے بیگ کے 30 روپے وصول کرنے پر معروف برانڈ کو 50 ہزار جرمانہ

پشاور میں برانڈ لوگو والے کیرینگ بیگ کے اضافی 30 روپے وصول کرنے پر معروف کپڑوں کے برانڈ کو 50 ہزار روپے جرمانہ کردیا گیا۔

برانڈ لوگو والے بیگ کے اضافی چارجز کے خلاف دائر درخواست پر کنزیومر کورٹ نے فیصلہ سناتے ہوئے صارفین سے 30 روپے وصول کرنے کو غیر قانونی قرار دے دیا۔

جج نصراللہ خان گنڈاپور نے برانڈ کو درخواست گزار سے وصول کیے گئے 30 روپے واپس کرنے اور 25 ہزار روپے ہرجانہ ادا کرنے کا حکم دیا۔

عدالت نے مزید 25 ہزار روپے سرکاری خزانے میں جمع کرانے کی ہدایت کی، یوں برانڈ پر مجموعی طور پر 50 ہزار روپے کا مالی بوجھ عائد کیا گیا۔