اسرائیلی وزیراعظم کی میک اپ اور اسٹائلنگ پر لاکھوں ڈالر خرچ ہونے کا انکشاف

اسرائیلی وزیراعظم کی ذاتی اسٹائلنگ، میک اپ اور ہیئر اسٹائلنگ پر 2019 سے اب تک سرکاری خزانے سے لاکھوں ڈالر خرچ کیے گئے ہیں، جس پر اسرائیل میں ٹیکس دہندگان کے پیسے کے استعمال سے متعلق سوالات اٹھ رہے ہیں۔

غیرملکی میڈیا رپورٹ کے مطابق سرکاری اعداد و شمار اور دستاویزات میں انکشاف ہوا ہے کہ اسرائیلی وزیراعظم کی سرکاری مصروفیات اور عوامی تقریبات کے دوران میک اپ اور ہیئر اسٹائلنگ سمیت ذاتی اسٹائلنگ پر مجموعی طور پر 4 لاکھ 70 ہزار ڈالر سے زائد خرچ کیے گئے، جو پاکستانی کرنسی میں تقریباً 13 کروڑ روپے بنتے ہیں۔

یہ انکشاف ایسے وقت میں سامنے آیا ہے جب اسرائیل کو معاشی دباؤ کا سامنا ہے اور عوامی سطح پر سرکاری فنڈز کے استعمال اور اخراجات میں شفافیت پر سوالات اٹھائے جا رہے ہیں۔