مکہ مکرمہ میں بارش، کئی علاقوں میں سڑکیں زیرِ آب، عمرہ زائرین طواف میں مصروف رہے

مکہ مکرمہ: مکہ مکرمہ میں بارش کے باعث کئی علاقوں میں سڑکیں زیرِ آب آگئیں، تاہم عمرہ زائرین بارش کے دوران بھی طواف اور عبادت میں مصروف رہے۔

سعودی حکام کے مطابق بارش کے بعد مطاف، نماز کے مقامات اور داخلی راستوں پر فوری طور پر پانی کی نکاسی کا عمل مکمل کیا گیا، جبکہ فرش خشک کرنے کے انتظامات بھی یقینی بنائے گئے۔